A Erschti MTB Tour

 

Also churz nochdem denn de Diego do in Taichung acho isch hend sich die vereinigte Spitzbuabe uf e MTB Tour gwohged mit 2 Truvativ R&D Guys. De Evan und de Mark hend üs es schös Strössli zeigad. Do aber de Taiwanese alles viel zgföhrlich isch, sinds nie würgli wiit ganga. Doch hüt hends eifach müese wiiterfahre, will mir hend no chli welle meh vo dere schöne Landschaft entdegga. Siehe da am Schluss vom Hügel (churz aber verdammt steil) hets es schös Ussichtsplätzli gha. Mir sind dört e chli ghöggled und hend e chli Taiwanesisch glernt: Zongsaaa, Chababe, Chaba, Pitu, Beitsö, … alles bruchbari Wörter.

Mir hend üs denn no chli wiiter ins Landesinnere gwohged. Dört isches den de zweine endgültig zgföhrlich worde. Ernschthaft!!! Mir hend aber no anderi Lüt troffa dört, also chas jo nid soo schlimm si.

Aber jetzt e chli zur Landschaft. Do hets überall wenn ma nur chli nebausa ghot grad Binlan Palme. Binlan sind so komischi Chautabaknüssli wo grusige rote Speuz ghend. Sie söllen angeblich ähnlich sii wie Snus. Mir wüssends aber nid so genau, will es grused üs die ins Mul znhe. Einzig zkaufe chöntend mir üs no als Vergnüege vorstella….

warum?! Darum!!!

Sus hets en Hufe Ananasstrücher (wachsend nämli nid an Bäum J ) und en huuuufe Gstrüb wo mir nid kennen. Es isch eifach no lustig mol dur so e Landschafts fahre und e chli zentdecka.

Zum Glück hend mir aber no kei Schlange und grossi Spinne gsia. I glaub, sus würend mir schlagartig nümma so Sache mache.

Das isch sicher nid sletschtemol gsii wo mir uf e MTB Tour ghönd mit de Jungs vo üserem Gschäft.