S'Visum… das isch so es Problem. Üs isch gseit worde, dass mier üses Tourischte Visum chönd um en Moned verlängere lah… ohni Problem. Das isch jetzt halt nid eso… drum isch de Thierry vor 3 Wuche uf Bankok gange und ich bin grad vo Malaysia zrug cho. Jetzt isch mis Visum wieder für 1 Monet verlängered und das langed grad, bis ich in d'Schwitz chume.

Am letschte Dunschtig bin ich am Morge am 6-i ufgstande und han min Rucksack gnoh und de Thierry hät mich an Busbahnhof gfahre. Nachdem ich erfolgrich es Retourbillet zum Flughafe für 17 Fränkli poschted han, isches denn au grad los gange. Nach 2 Stunde bin ich am Internationale Flughafe vo Taiwan acho. Leider bin ich denn bim falsche Terminal usgstige. Das isch aber gar keis Problem gsi, han gnueg Zit gha. Bin somit in Gnuss cho vonere Fahrt mit em Skytrain… es Verbindigsbähnli vo de 2 Terminals. Am Check in Schalter han ich mier denn de Notusgangsitz gschnappt und bin go warte…. Mini Flugroute isch vo Taipei, über Hong Kong nach Kuala Lumpur gange. Leider häts im 2. Flug kei gueti Sitz meh gah… aber meh seit ja nüt wäge 3 ½ Stund. Am halbi sibni isch denn endlich de Flüger in KL glandet. Gepäck schnappe und los… nomal 1 Sund mit em Taxi fahre, es Vermöge in der Schwiz… hahah… 20 CHF in Malaisya. Im Hotel han ich denn Elyn troffe. Das isch e ICQ Kollegin vom Gerard (merci an dere Stell nomal ganz herzlich) wo mier alles organisiert het. D'Elyn hät mier denn 2 Kollege vorgstellt und mier sind denn grad eis go trinke. Am 12-i bin ich denn todmüed is Bett gheit und hang schlafe wie es Hergöttli. Am nächschte Tag simmer denn nach Melaka, e Tourischte-Atraktion erschter Güte. Usserd am Zmittag han ich nüt so spezeills gfunde an dem Usflug, aber das muess meh ja de Elyn nid säge (gäll gerard) S'Wetter hät halt au nid mitgspillt gah…. Aber d'Begleitig isch super cool gsi.

Am zweite Tag hettemer nomal e Tour gha in KL sälber, aber die (dä Organisator) hends versifft und so simmer den halt allei go d'Stadt erkunde. Isch eh vill geielr gsi. D'Elyn isch e bitz es „layzy-girl“… da hettemer nume öppe sölle 10 minute laufe und das isch scho fascht z'viel gsi, wills denn ufwärtsgange wär. Drum hemmer denn s'taxi gnoh. Uf em Abeweg han ich sie denn doch chöne überzüge, dass mier laufed. Sisch denn au gar nid so schlimm gsi… emal für mich nöd. Mier hend denn aber doch no s'Taxi müesse neh, will de Wäg zu Chinatown viel z'wit gsi wär. Döt hät denn d'Elyn alles geh und ich han für wenig gäld ganz en Hufe Sache kauft. Denn simmer zrug is Hotel und hend üs parat gmacht zum gi z'Nacht esse… chinesisch. Denach sind denn de Alex (Kumpel vor Elyn) und d'Lay Suan (hübschei Kollegin vor Elyn) und ich in Usgang… en richtige wiskhey-Abig… voll geil gsi. D'Elyn hät leider nid chöne cho, will sie am nächschte Morge uf de Flughafe hät müesse und das scho am halbi füfi. Ich han de Abig mit de „Locals“ extrem gnosse.

Am Sunntig han ich denn z'erscht emal uspennt und bin den in en Starbucks go käfele… und denn ganz allei echli dur die Stadt gloffe. Han no es paar Schnappschüss gmacht.

Denn isch es scho wieder Mäntig gsi und ich bin uf de Flughafe. Bim Icheckä han ich denn mit em Ma hinderem Trese no e bitz pläuderled… isch niemert suscht agstande und ich han wieder viel zviel Zit gha. S'Resultat vo dem Gsrpöch… ich bin bussines gfloge. Das isch scho no geil… und wenn ich denn mal richtig gross bin, flüg ich numeno bussibes. Da häsch ja richtig Platz und de Food isch besser und kriegsch alles… Wo ich denn in Taipei glandet bin, han ich grad als erschte chöne usstiege und das isch au guet gsi so, will ich suscht de letschti Bus nach Taichung verpasst het. Denn no e churzi Taxi fahrt und scho isch das weekend wieder verbi gsi….

Schad… aber ich werde ganz bestimmt nomal in die super Stadt die zwei härzige Wiber go bsueche…